小天才智能電話手錶 – Ellie Ho
囡囡成日好想有一隻手錶，今次試用的全新小天才智能手錶Z6H，除咗有基本手錶功能之外，還有其他多項功能。小天才智能手錶Z6H的外型非常有時代感，佢嘅保護性亦超強。小朋友玩既時候比較粗魯，試用嘅時候無意間有一兩下大力撞埋個枱到，我都有少少驚佢撞爛，但佢嘅軟膠保護性好強，小天才智能手錶Z6H絲毫無損。
最體貼係今次試用產品仲跟埋中國移動香港既SIM卡，網絡及通話連接都相當穩定。
配合手機網絡隨時都可以同阿女保持聯絡，有時返左工都可以同佢視像傾吓計，好過俾個電話佢拎住。我見朋友啲視像手錶通常都係得一個鏡頭，小天才智能手錶Z6H擁有高清鏡頭，前置500萬及後置800萬像素鏡頭雙鏡頭高清視像，前後相鏡頭更可以隨時切換，有時工人姐姐帶咗囡囡去邊都可以睇得清清楚楚。
除咗手機鏡頭清晰之外，我幾欣賞小天才智能手錶Z6H的AI智能識物系統，用錶對住某一個物件，智能手錶就可以講到物件個名稱同少少說明，非常有趣，實用之餘又可以學到野。
跟住就梗係要留意埋視力嘅問題啦，小天才智能手錶Z6H用咗AMOLED超視網膜屏，咁就可以減低左藍光嘅傷害。整體來講，小天才智能手錶Z6H係一隻幾全面性嘅錶，還配合網絡嘅即時定位功能，真心推介！