小天才智能電話手錶 - Man bobo
好開心可以免費試用「全新小天才智能電話手錶Z6H 」x 中國移動網絡！多謝Ohpama俾文寶寶擁有第1件智能用品! 智能手機的運用，個個都機不離手，而家連幾歲小朋友成日都話想學大人影相拍片，小天才智能電話手錶，一錶在手，就可以影相拍片，又可以打電話，就連視像都可以! 真係好方便! 同阿仔出街，佢最鍾意周圍影呢樣影果樣，隻錶前置鏡頭有500萬像素，而後置800萬像素鏡頭，雙鏡頭高清視像，影相拍片功能都好流暢同方便!而且佢仲好鍾意自拍tim!
「全新小天才智能電話手錶Z6H 」其中一個功能，亦係我最愛的，就係: 智能識物! 只要鏡頭對準物品影相，系統就可以識別物件，仲教埋你用普通話讀呢件物品!事關我d普通話真係非常非常普通，呢個Function對我黎講簡直係偉大發明! 有佢幫手真係好好，真係要推介俾其他家長！
另外，作為working mama，小朋友經常都要出去學呢樣果樣，而我又唔可以自己帶佢去學野，有左九重AI定位 Function，就可以唔洗成日問佢位置，又唔洗擔心唔知佢去左邊，家長可以安心又放心喇。我覺得唔止小朋友，「全新小天才智能電話手錶Z6H 」其實都好適合老人家用！今次試用，我就好滿意，而仔仔都好開心，多謝俾呢個機會我地去體驗！希望將來都可以參與更多試用體驗。