小天才智能電話手錶 – Pui
好開心可以成為今次小天才智能電話手錶Z6H嘅試用專員，囡囡收到之後非常興奮。
本身好少俾電子產品囡囡接觸，佢一拎上手就覺得點解一隻手錶可以有咁多唔同嘅功能。
首先，用手錶高清鏡頭影相嘅功能對小朋友非常方便。隨時隨地佢想影就影，而且錶身硬淨又防水，真係可以玩到邊影到邊。
囡囡平時都比較黐身，當我地返左工或者出左街，佢已經成日麻煩屋企長老安排同我地視像通話。依家有左呢隻錶佢就可以好方便咁自己打嚟搵我地。
最後就係手錶嘅AI 智能辨識系統，囡囡將細至煮飯仔玩具，大至車船都掃描一番，其實都係一個好嘅開始去令小朋友了解科技點樣可以融入同改善我地嘅生活。