Ravfi
Babo Botanicals防曬系列用後感：敏感肌嘅夏日救星！
熱辣辣夏天又到，我同朋友成日都去海邊玩，而身邊朋友都有唔少人都係敏感肌，一用到化學防曬就好易出紅疹。後來試咗Babo Botanicals呢兩款物理防曬產品，係有驚喜嘅！
首先試咗透明礦物防曬乳係乳液質地，推開時有啲𥹉𥹉哋，但吸收得幾快，最好係冇香味，我同朋友搽面同手腳都冇敏感。試過同佢去玩足個半鐘，防水力真係唔錯！沖涼嗰陣用返普通沐浴露洗乾淨就得，好方便。
而護膚級礦物防曬乳質地水漾清爽，推兩下就吸收晒，完全唔泛白！聞落有少少草青味（可能係天然成分關係），而且搽完陣味仲會keep住一陣，有少少頂唔順。
兩支都標明非納米成分唔入肌底，而且細細支，放入背囊/小廢包都慳位又方便。日常我會揀護膚級礦物乳用，去玩水就必定帶透明礦物乳！