紙飛機親子空間 Origami Kids Cafe 試玩體驗 - Mcli

好多謝oh! 爸媽同多謝紙飛機親子空間 Origami Kids Cafe ，畀我一家可以有試玩體驗。
地點及交通：紙飛機親子空間喺啟德郵輪碼頭平台b區。有公共交通工具可達，巴士小巴，算方便。
「紙飛機」活動地方亦足夠，而且環境整潔。商舖外空間風景優美，呢度唔止吸引到遊客，亦都引親子到遊。
餐廳提供咗親子活動空間，用膳區及玩樂區分明。
玩樂區：適合幼兒及小朋友。唔單止有遊樂設施，仲有唔同年齡嘅玩具，更有閱書角，書本亦有故事性、教學性等。
派對房：定期會翻新。今次去，咁啱裝修緊，期待下次可以再體驗。
食物方面：融合菜式，亦有湯羹、前菜、主菜、甜品，款項多選，賣相及味道都很好，分量及價錢亦合宜。
洗手間：分別供男、女及傷殘人士。換片台設於殘廁內。
感受：值得一去再去。十分適合親子遊、大小朋友閒聚。