港島太平洋酒店 - 「大馬滋味台灣風」自助晚餐 - Ken So
一家三口去港島太平洋酒店食「大馬滋味台灣風」自助晚餐😋酒店喺西營盤，就喺中山紀念公園對面，都好方便👍🏻
同仔仔哈哈豬去公園玩完先去食自助餐，玩到攰囇，要補充能量食多啲😆
大概七點到，第一個感覺地方有啲細，當晚都幾full👨👩👧👦不過坐落又唔會好嘈，都ok。
整體來說，帶小孩來也是個不錯的選擇。可以下午先去公園玩，再帶小孩來吃。小朋友有得去食自助餐非常開心，可以揀自己鐘意食嘅野🥰而這個主題的自助餐都幾岩小朋友食
哈哈豬嘅飯前果，有西瓜，哈密瓜，菠蘿等。
大人頭盤就主打海鮮😍蝦，龍蝦，長腳蟹，翡翠螺等等。海鮮很不錯，冇雪味，食左兩三碟海鮮😝同好多好多蝦。keep住有refill。
前菜仲有不同種類嘅沙律可選擇，都好岩小朋友食，記得哈哈豬好鐘意薯仔沙律同長通粉沙律，不過忘記了影相😅 刺身都好新鮮，有三文魚，八爪魚，希靈魚，吞拿魚等，又食左兩三轉刺身。
食完頭盤，開始食熱盤啦🍽 首先介紹當晚我地最愛嘅，就係苦瓜排骨燉湯🍵，好足料，好好味。哈哈豬最愛吃苦瓜😆我地飲左4盅，啲苦瓜差唔多比哈哈豬食囇，有冇其他小朋友都係鐘意食苦瓜架。
海南雞都好好味，雞好滑👍🏻哈哈豬平時都好鐘意食海南雞，岩囇😋乖乖食囇成碟 叻沙🍜即叫即煮，味道不錯，都幾香，但可以再辣少少同濃味少少 另外，特別喜歡牛扒，鹽酥雞，串燒，燻肉酸菜割包，好味。
其餘熱盤還有胡椒蝦，台灣腸，烤羊，三杯雞，滷肉飯，牛肉麵，炒蘿蔔糕，炒粿條，椰漿飯，咖喱牛，肉骨茶，蚵仔煎等，都好多選擇👍🏻
食完熱食已經好飽🙈嘆番杯熱檸水，消消滯😝再戰甜品部。
甜品有紫薯蛋糕，菠蘿蛋糕，紅豆麻糬，雞蛋仔，斑斕芝士撻，黑糖珍珠砵仔糕，棉花糖，朱古力蛋糕，Häagen-Dazs雪糕等，不過真係太飽，只能淺嚐。
但係呢個哈哈豬一路食一路話甜品有節二個胃😅睇下食得幾滋味。