Persil寶絲去塵蟎減敏洗衣液試用體驗 - Rence
今次有幸試到英國皇室認證品牌Persil低敏除蟎洗衣液。講少少背景，囡囡係敏感體質，成日會因為皮膚痕癢、鼻敏感唔舒服而發脾氣。皮膚痕癢時，手、腳、背脊會出現紅疹，更試過抓損皮膚大喊。見囡囡成日左抓右抓，很不耐煩，作為媽媽的我，心痛極了!
同朋友傾開計先知道，原來敏感有機會係塵蟎作怪。試過買除蟎紙清潔屋企，又堅持手洗囡囡所有衣物及毛巾，每次洗完衫亦必定會拎衣物去太陽底曬乾，希望殺死塵蟎，但似乎對囡囡的敏感問題，幫助不大。今次就試試Persil低敏除蟎洗衣液，睇睇對阿囡有冇用!Persil出手相當闊綽，送一枝1L裝俾我試用。
平時揀洗衣液比囡囡，最緊張有冇添加色素、香料、防腐劑等，因擔心刺激囡囡幼嫩肌膚，更怕化學殘留物會傷害佢皮膚。一收到呢枝產品，見到標籤寫住低敏除蟎、無添加香料色素，BB都適用，再打開聞一聞，冇香味，即刻放心試。
手洗衣物，用1/3 杯Persil低敏除蟎洗衣液就夠了。
呢2星期都轉用Persil低敏除蟎洗衣液清洗阿囡 嘅衣物，洗完後衫褲毛巾既乾淨又柔軟，觀察阿囡皮膚都冇再出現過紅疹、敏感等跡象，值得推介比有過敏徵狀仔女嘅爸媽試試呢枝洗衣液!