紙飛機親子空間 Origami Kids Cafe 試玩體驗 - Grace Lau
好開心今次被揀中可以試玩紙飛機親子餐廳 Origami Kids Cafe ～之前睇相經已好想黎玩～呢日我地揸車黎玩$10/hr停車場相當抵～當日帶埋Jasmine霸氣姐同表妹一齊黎玩～一去到我仲係Reception位除緊鞋..佢地兩位經已唔見左人～可想而知裡面有幾吸引呢～一入到既感覺呢個場好靚又乾淨同好多野玩～我都被吸引想一齊玩～仲有好多打卡位..最細心係有埋Locker俾我地家長放貴重野唔駛跟身.玩得更盡興
兩個原來第一時間跑去玩沙池～第一次接觸佢地覺得好有趣..仲運用身邊工具夾沙粒～好讓佢地可以自由發揮～玩玩下仲係度碌黎碌去
跟著就玩隔離的滑梯..玩左無限次～佢中間透明設計令小朋友都帶著好奇令佢地沿途探索～外觀亦係其中一個打卡位～
呢個廚房真係連我都想玩埋一份～生果蔬菜像真度好高～真係好似人地Junior master chef kitchen~兩個忘於煮下午茶～揀咁多生果..應該諗住榨汁同整生果餐～哈哈
煮完野食梗係要補番個妝～岩晒一向貪靚兩位～又揸咀又夾頭又畫眉..好搞笑～滿足晒一班美少女鍾意扮媽咪的慾望
跟著就玩扮醫生～亦係最搞笑的一環～表妹真係當正自己係醫生..係咁追住表姐打針又話要幫佢度血壓～Jasmine就做牙醫..係咁幫BB睇牙~制服又好岩Size..佢地的互動真的好可愛
其實呢度有好多服裝可著黎玩～可扮公主/Batman/Spiderman/消防/修女etc...亦有最近最流行的BaByShark..即刻變番可愛BB～
玩左一輪係要依下肚仔～呢度既食物雖然選擇唔多..但味道好岩小朋友.味道都唔會太濃味～而且每位小朋友會送一杯babyccino俾佢地飲～可以影到佢地可愛的模樣
飲飽食醉就去照顧下BB~呢個Area都幾受小朋友歡迎～可能因為每個小朋友都覺得自己大個女可以照顧比佢地細的小朋友～又推佢地周圍走又餵奶又氹佢地訓..愛心出晒黎
玩到差不多都攰..兩個終於肯坐低玩睇下書同一齊合力填色～當然媽咪都有幫手💪🏻～呢個睇書Corner都幾舒適同埋書本都仍保存得好好～最後仲有兩個萬花筒紀念品送俾佢地～真開心 另外值得一讚係廁所非常乾淨，亦有男女小朋友廁所/餵奶室同換片室～ 絕對適合一班媽咪帶埋小朋友一起黎呢度聚會的好地方～如果可以玩耐少少會更好同埋有接駁巴會更方便