德國lavera有機嬰幼兒護膚套裝體驗 - 彤悠媽
大家好，我係彤彤同悠悠既媽咪呀！
今次好開心有機會試用德國lavera有機嬰幼兒護膚套裝，希望以下既感受可幫到大家啦（各項試用以五粒星為最高評分）！
家姐彤彤首先試左支「有機中性嬰幼兒洗髮沐浴露」，佢適用於身體及頭髮，含有有機蘆薈和有機月見草油，可以有效滋潤並潔淨肌膚。彤彤頭頂仲會有頭泥，可以洗甩左d都令我幾surprise！我最鐘意佢夠晒溫和，仲不含任何香料、色素或防腐劑，試左幾日都無敏感情況出現，值四粒星！
而呀妹悠悠皮膚就不嬲比較乾，摸落去成日都好鞋，所以就由佢負責試「有機中性嬰幼兒潤膚乳」！一開頭我好擔心，會唔會唔夠潤呢，一陣又會紅到挖損喇！不過見佢話能防止皮膚水分流失，亦為皮膚補濕，就即管試下。咦，又幾易推開喎！用左幾日，本來妹有d紅乾既地方，都得到紓緩，雖然未至於完全散晒，但得到改善，已經心滿意足！值四粒星！
而「有機中性嬰幼兒尿布膏」，touchwood佢地都無乜呢個問題，所以我就當左佢做handcream，細細支方便攜帶！正！值三粒半星！
Overall，呢個德國lavera有機嬰幼兒護膚既系列未至於驚為天人，但絕對值得一試喎！