BABE HERO 寶貝童盟 - 親子試玩體驗 - Estell Leung
有幸被選中去寶貝同盟（Babe Hero)試玩，立即帶3歲囡囡去。Babe Hero 我認為最正嘅優點係家長可以好溫文爾雅咁帶小朋友玩足3小時都唔喘氣，頭髮亦都冇亂嘅親子場地。 簡單登記，量體溫後，就可以入場玩。 一入門口枱面就見到好多唔同款式嘅玩具。
呢度嘅主題係職業扮演，囡囡主力扮醫生同消防員、其次有餐廳侍應、搬運工人、 畫家 同考古，
Supermarket係令我好驚喜嘅地方， 實在有太多種類，像真度亦非常之高, 佢哋好貼心咁用咗啲軟淋淋嘅物料，小朋友好容易拎到， 唔會咁易跣手跌落地下， 仲有個雪櫃賣海鮮嘅添。
Supermarket對面有一個小波波池， 大人可以坐喺旁邊睇佢哋自己跳， 另外 一邊亦都有一個比較大範圍啲嘅波波池， 但係由於有halloween嘅佈置，我女唔敢玩， 跳入去一陣就走咗。哈哈。
仿餐廳都好得意， 不過呢間係
去到畫畫嘅房，地下同埋牆壁都可以畫， 亦有洗手區可以立即洗手， 同場有一個日本製嘅水管玩具， 適合較大嘅小朋友玩。
入場會送你兩個代幣可以夾公仔， 或者儲滿十個印送你一隻公仔， 不過實在有太多嘢玩，我個女都唔得閒去夾，Rody區彈咗2下又走去玩第二樣野，及阿女對考古冇興趣。
洗手間同換片餵奶房清潔度滿意， 洗手間門口會有大大小小拖鞋提供，值得一讚係洗手間內有幼兒安全椅，家長想一拖二去玩都冇問題。