BABE HERO 寶貝童盟 - 親子試玩體驗 - truthxcherry
真的很開心可以參加baby hero試玩，我地一家四口👨👩👦👦非常期待！打電話預約了星期日早上10時至12時的時段，一早起床就來玩了哈哈！位於官塘柏秀中心的baby hero, 鄰近apm商場，非常容易找到，玩完後仲可以去埋apm行街！
大佬同細佬一到達非常興奮，急不及待鞋都未除就想入去。場地燈光柔和舒適，給小朋友溫暖感覺，職員們很友善，也笑容充足，值得加分。大佬同細佬一入去就玩車啦，玩煮飯仔，成枱煮飯仔玩具，細佬最鍾意最興奮！
之後就去左扮醫生，著醫生袍幫病人打針餵藥。醫生房設備齊全，病床，病人（bear and bb)都有，小朋友好鍾意！
呢度有好多唔同主題房間，除咗有醫生扮演，仲可以扮消防員救熊仔，又可以扮超市收銀員！呢個超市真係值得一讚，因為啲蔬菜水果像真度好高，加上有凍櫃，裡面有凍龍蝦，有凍蟹，凍肉，好似超市，大佬細佬不停扮客人同收銀，好好玩！
另外，佢地扮完消防員後都唔捨得除咗套消防員衫，非常興奮。喜歡消防員的小朋友一定要黎玩！之後佢哋去左搬運貨倉搬貨，又去左工地換制服後扮工程人員，他們樂在其中！
他們也很喜歡扮演侍應角色，也和職員一起玩耍，非常親切，令小朋友更開心好玩！除了主題房間外，場內可以租用場地作party room之用，可以方便父母幫仔女搞生日派對等，氣氛很好👍🏻！
總括來說，值得去，也值得再去，小朋友樂而忘返！仲有得夾埋公仔Tim!