皇家加勒比國際遊輪體驗 七晚日本沖繩．菲律賓親子之旅 (兩大兩小) - Rachel

皇家加勒比海洋光譜號（Spectrum of the Seas）是皇家加勒比國際遊輪旗下, 全球第三大級別嘅一艘量子級遊輪，僅次於地中海郵輪的Meraviglia級郵輪和皇家加勒比國際遊輪的綠洲級郵輪。

多謝oh爸媽的試玩活動, 在「海洋光譜號」帶給我們難忘的旅程, 享受了一個完美假期。

出發前, 遊輪公司職員已透過電郵將郵輪上的消費項目及岸上觀光價目表email俾我, 除咗可以enjoy early bird之外, 亦可以對旅程作一個預算。

8日旅程正式展開, check-in同過關過程順利, 比起搭飛機旅行, 無須額外多預時間去check-in同standby, 相比起搭飛機，要白白浪費兩個鐘青春喺機場漫遊(漫無目的遊走)，遊輪的確適合盡用時間嘅香港人。

一踏上呢架”海上移動酒店”,兩隻小魔怪當然急不及待就鬧著要去即將要渡過7個晚上的房間。

房間夠大, 除咗張6呎雙人床之外, 梳化亦可化身5呎梳化床, 確保小朋友可以獨立睡覺, Daddy, 媽咪半夜唔需要硬食飛毛腿。床大而非常舒適，平時遇上”生保床”會失眠嘅我，呢7晚竟然可以晚晚倒頭便睡，仲一覺訓天光。更驚喜既嘅係，平時酒店我要晚晚敷MASK 以防面部龜裂，但船上唔知點解，一塊MASK 都無敷，竟然一D都唔覺得乾。

Housekeeping每日收拾好房間, 都會將翌日行程同重點活動的資料放在床上。

Housekeeping知道小魔怪喜愛兔子, 每次收拾後都會摺兔仔毛巾氹小朋友開心, 細心非常。

放下隨行行李後, 為確保安全, 遊輪公司職員會提示所有乘客都需要參加安全演習, 遊輪公司亦需要我哋出示sea pass去確保我哋已經出席。安全方面, 值得一讚。

我哋為咗避開人潮, 第一日實行5:00用餐, 反正遊輪上有大量收費或免費餐廳, 晏啲肚餓仍然可以去食個宵夜。 後來知道, 船上餐廳嘅容客量, 足以應付所有旅客, 我哋根本無需擔心。

主餐廳分為2層, 有別於一般遊輪都會有2~3間主餐廳，光譜號直接整合成一間二層樓的超大主餐廳，我個人是喜歡這樣的設計，因為就算有2~3間主餐廳，提供的菜式其實是一樣的。 主餐廳的餐牌每日轉換, 有齊appetizer, main course同dessert, 更備有中, 西式菜式, 焗法國蝸牛, 香煎帶子, 紅酒牛膝, 生炒骨等等, 菜式一絲不苟, 亦滿足各國人仕所需。

 
主餐廳嘅食物質素以及種類, 都帶給了我們驚喜。餐牌更是每日轉換, 即使8日旅程, 一啲都唔會覺得悶。只要你吃得下, 餐牌上的食物可以選多項, 我哋最喜歡就係主餐廳嘅Starter, 每次都order幾款一起品嚐。

沒想到海洋光譜號餐飲表現相當有水準，意外成了這趟旅程的亮點之一。除咗主餐廳, Windjammer帆船自助餐亦喺我哋主要解決三餐嘅地方。

Windjammer自助餐早餐, 原諒我亂七八糟的擺盤

平安夜當晚, Windjammer自助餐廳嘅甜品比平時更豐盛, 每個蛋糕都充滿節目色彩。

Xmas嘅Windjammer自助餐廳特別豐富, 更有薑餅屋俾大家拍照, 充滿節日氣氛

唔好以為 windjammer自助餐廳呢個歡迎蛋糕只係裝飾, 真係會分比旅客食㗎。

旅途中適逢聖誕, 自助餐亦會因應節日而提供更豐富嘅節目菜式。除此之外, 輕食餐廳270咖啡館、戲水餐廳SPLASHAWAY CAFÉ、泳池雪糕機、熱狗屋DOG HOUSE亦無間斷為我哋嘅脂肪不停加油。

戲水餐廳 Splashaway cafe嘅韆鞦櫈， 係小朋友最愛之一。

旅途正值小魔怪嘅生日, 當晚我哋自費去咗元首級嘅”大董意境坊”, 這家是結合北京名店”大董烤鴨”(米之蓮一星)，主打中西合璧的創意料理，九道菜中, 無論餐廳環境, 食物味道, 以致presentation都是充滿驚喜, 令人回味。

餐廳主動送上生日蛋糕, 令小魔怪四歲生日畫上圓滿句號。

大董意景坊嘅九道菜晚餐, 是味蕾與藝術結合。

大董意景坊菜單很特別，讓你用沾濕的毛筆去塗畫，菜單就會顯示出來。

皇家加勒比品牌特色就是以豐富娛樂性著稱，2018年還得到Cruise Critic遊輪網站”最佳娛樂”的殊榮。玩樂方面, 即使我哋7日旅程，亦都絕無悶場。

船上有唔少活動, 如北極星, iFLY甲板跳傘, 攀石場, 南極球及海上衝浪等等, 礙於大小魔怪年紀仲細，我哋就直接skip咗(其實可以將小朋友交託海上歷奇中心, 然後爸爸媽媽自己玩過痛快~~哈)

唔好以為免費活動就一定大排長龍, 我哋參加咗一節海上碰碰車, 喺嗰一節之間可以重複玩到四次, 大小朋友一定可以盡興。

令小朋友瘋狂的海上碰碰車

小魔怪因為未夠5歲, 玩唔到海上碰碰車, 慈父就帶佢去電子遊戲中心, 以揸電單車作為補償。

另外水上活動 一定係小朋友最愛, 船上有室內室外泳池, Jacuzzi, 更有嬉水池, 水上瀡滑梯, 各年齡層都有不同的區域, 想玩嘅都應有盡有。

小朋友水上樂園, 大小魔怪至今念念不忘

喺pool side嘆住朱古力曲奇睇Spiderman, life so good.

 
夜遊遊輪, 另有一番境色

SKY PAD®

文化活動方面, 除咗有各類不同大小嘅歌舞表演, 亦有唔同嘅Party同show, 各適其適, 絕無悶場。

機械人酒吧。
“喂！你兩個未夠18歲學人買酒…”

小朋友歷奇中心 , 除了職員講故事, 玩遊戲, 勞作手工繪畫, 科學實驗, 親子活動, 應有盡有。船上職員大多以英語及普通話進行溝通, 活動之餘亦是小朋友進行外語溝通一個黃金機會。

歷奇中心的親子小實驗, 令大魔怪大開眼界。

大小魔怪對自己喺歷奇中心嘅勞作非常滿意。

就算只坐喺船嘅一角, 望住個大海, 已經令人無比舒暢。

遊輪上的𨋢是以全玻璃設計, 非常有特式。

遊輪嘅印象, 似乎都離不開”慢活”, “享受人生”, “退休人仕之選” 等字眼。一開始我怕留船8日會無所事事, 所以出發前我已經報咗沖繩及菲律賓嘅shore excursions。

但最後, 我竟然無唔夠時間玩哂所有活動。😭

日本沖繩

我哋參加咗”琉染體驗”, 係採用當地珊瑚橫切面作為工具去印製 t-shirt的一種工藝。

琉染體驗, 很有特式的一種工藝。小魔怪話佢自家製成人版Tee, 要留返將來佢大個著喎。

另外, 吞拿魚解體show亦令小朋友大開眼界。

即席劏金槍魚, 並送到大家口中品嚐。

去得日本, 當然唔少得shopping, 結果媽媽買到失心瘋。

菲律賓維甘古城

維甘古城建於16世紀, 係保存得最好嘅西班牙殖民城市,  古城唯一嘅代步工具就係馬車, 大小魔怪第一次坐上馬車遊古城。
維甘古城的海天一色

維甘古城充滿藝術氣息

大小魔怪第一次坐上馬車

菲律賓蘇比克

去到蘇比克, 除咗遊覽美軍當年嘅海軍建設,  另一個最啱小朋友嘅當然係海洋公園, 而呢一個海洋公園係開放式水域嘅海洋公園。

菲律賓海洋公園屬於開放式水域嘅一個主題公園

小朋友可以近距離接觸海豚, 海獅等等海洋生物

後記:

1)皇家加勒比船上每一個服務員都友善貼心。

喺”大董意境坊”, 由於兩小魔怪均7歲以下, 在點了餐後, 服務員主動提議提供免費兒童餐, 幫媽媽省荷包, 畢竟是US$75/位, 一來就為媽媽省下US$150+18%, 小朋友可能更Enjoy他們兒童餐的薯條和漢堡包，真係一舉兩得。

大董意境坊

2) 在最後一晚, 由於主餐廳滿座, 侍應主動將我們upgrade去”銀卡臻享餐廳”, 可以同時享用點餐及自助餐, 食物更加精緻之餘, 更免費提供latte cappuccino等收費飲品，服務之貼心, 並非其他旅程可以媲美。

 
有幸被upgrade到銀卡臻享餐廳，無論食物嘅選擇以及餐廳嘅環境及服務, 都係頂級優越。

3) 小魔怪由於在沖繩shore excursions上船前發現高燒, 喺上菲律賓岸前, 遊輪主動call我哋去medical center, 免費做了流感測試, 見醫生及提供了藥物。以確保小魔怪可以順利進入菲律賓。護士姐姐非常親切, 令小魔怪安心進行流感測試。

大小魔怪期待旅程嘅展開

4) 屋企兩小魔怪一直要黏住媽媽訓, 8日行程, 媽媽成功將佢哋擺脫, 成功戒”陪訓”, 除咗多謝oh爸媽, 亦要多謝皇家加勒比。

5) 一家4口帶住小魔怪, 每年出遊都令爸爸媽咪筋疲力盡。今次遊輪之旅, 玩盡7日, shore excursions都有專車接送, 呢架海上移動酒店, 是由大小魔怪出世後, 從未試過咁舒服嘅旅程。媽媽寫到呢度, 又再心心眼, 計劃下一次遊輪之旅。