UNIQLO AIRism抗UV網紋連帽外套-Rence
每逢假日，只要唔落雨，我都會帶女女到戶外放電。小朋友真係有需要曬吓太陽，吸收維他命D，保障骨骼健康，但同時我又怕紫外線會對阿女幼嫩嘅皮膚有影響，咁細個有雀斑、皺紋、皮膚老化問題就麻煩，所以防曬措施一定要做足。
以前會覺得有衫遮住嘅身體範圍就唔怕曬到，後黎先知道紫外線可以透過物體反射，射過衣物影響皮膚。自此以後，我就知道要買有抗UV功能嘅衫比女女出去戶外玩嘅時候著。
最近天氣仲係涼涼地，今次有得試UNIQLO AIRism 抗UV網紋連帽外套就岩曬喇。女女係貪靚鬼，對揀衫有一定要求，UNIQLO AIRism 抗UV網紋連帽外套有好多隻顏色揀，深藍、淺藍、黃色、黑色、白色、紅色全部齊。阿女左揀右揀一輪後，揀左淺藍色。
UNIQLO的UV CUT系列採用「吸收紫外線」和「反射紫外線」防曬技術，能隔絕90%紫外線。
呢件UNIQLO外套質地好舒服，夠輕身，又透氣，吸汗功能強勁。去沙灘玩，阿女玩到成身濕曬，呢件UNIQLO外套極速快乾。阿女著住件外套在沙灘玩咗一整日，都冇話因為癡立立而要求除咗外套。
玩玩吓，阿女話太陽好曬，自己笠住頂帽遮太陽。
最後，不得不讚UNIQLO AIRism抗UV外套的設計，貼心到有個小袋連住件外套，只要將外套捲起摺入小袋，就變成下圖呢個樣，方便攜帶!超讚!