Fisher-Price 感官訓練可愛動物健身器 - tessasuen

收到產品之後, 估唔到最開心竟然係我15個月大既女, 因為佢未曾見過類似既玩具😝 最近參加左Ohpama既試用活動, 俾我認識到呢個Fisher-Price感官訓練可愛動物健身器, 簡直就係父母既恩物! 恩物!係恩物! (重要既事情要講三次)
我大女由出世至4個月都一直唔係訓highchair, 就係訓bb床, 都有買過d黑白圖案既字卡俾佢望下, 同d啷啷玩具, 完全無idea點樣去訓練下佢既感官🤔 加上自己家中工作好忙, 又見bb眼仔碌碌訓係到甘悶又唔忍心唔理佢, 所以都時時拎住d玩具卡仔同佢玩, 隻手無時停都幾攰😭
到剛剛生左第二胎弟弟之後, 又遇上呢個好玩又得意既玩具, 簡直就係我同爸爸, 大女同細仔既大愛! 先講細仔, 岩岩出世左2個月, 終於唔洗再剩係訓highchair同bb床啦🤪 勝在呢個玩具既墊都幾soft, 佢訓係上面都無點郁來郁去, 最吸引佢既就係發聲水獺, 好在佢有得較大細聲唔會嚇親bb, 一路播著歌一路就望住佢😆 見佢隻手仔仲想去掂佢同埋另一隻掛住既樹獺, 哈, 原來係可以訓練佢既觸覺, 呢個玩具竟然可以俾佢訓係到玩左成粒鐘, 之後仲要自己訓著左! 所以先話對我地黎講係恩物, 終於我地隻手可以抖下, 哈哈! 2個月大既bb仲未出牙, 掛住左既牙膠就未用到住, 估唔到就岩哂大女, 因為佢就係出梗牙成日牙痕, 一見到個牙膠就衝去拎住黎咬🤣 仲有原來舊雲仔係發放出氣味, 都幾香! 我放係自己個鼻到聞話好香呀, 之後佢就拎左黎又學我聞, 到依家佢仲拎住唔放, 真係俾佢激死, 哈哈!
所以話呢個玩具初生到18個月都岩玩!