維達 4D Deluxe 立體壓花 袋裝面紙 - Rence
屋企有肌膚幼嫰嘅小朋友，自己又皮膚敏感，再加上老公有鼻敏感，所以喺選擇面紙方面，我哋都好有要求。今次Vinda 送咗2條維達4D Deluxe 立體壓花 袋裝面紙，1條係天然無香，1條係綠茶淡香，1條共6包。維達呢隻壓花面紙紙質輕柔、軟棉棉，好舒服，仲有三層厚，厚薄度岩岩好，吸水效果好好。以前用過一D品牌嘅袋裝面紙，質地太薄，唔好用，抹手或面後，仲會有紙碎黐住，尷尬死。維達4D Deluxe 立體壓花袋裝面紙就完全冇呢個問題。
無香味面紙最岩個鼻超敏感嘅老公用，通常換面紙佢就最緊張，當佢個鼻遇到品質差嘅紙，就會係咁打乞嗤、流鼻水。維達4D Deluxe 立體壓花面紙通過皮膚科測試，特別呵謢敏感嘅肌膚，老公試用後都話紙質好舒服，厚薄度岩岩好，亦冇刺激到佢個鼻。
我同阿女都鍾意Vinda 隻綠茶淡香，味道天然清香，又唔會過濃，紙質棉柔，柔韌度適中。阿女抹完鼻，仲話要繼續聞吓D香味。Vinda 4D面紙通過食品級檢測，比小朋友抹咀、抹面都好安心。
袋裝面紙好好用，自從有咗小朋友，出去食飯或者遠行，有太多不能預測的事發生，帶包裝紙巾未必夠用，所以我都習慣放一包袋裝面紙喺媽媽袋，夠輕、夠方便。用完維達4D Deluxe呢2條袋裝面紙，都會繼續添貨！