Fisher-Price 安撫睡眠小水獺 - Monkeypirate

記得大仔岩岩出世時，夜晚經常哭鬧，經朋友介紹下買左Fisher-Price 安撫海馬，聽住音樂哭鬧情況慢慢有改善，唔洗再抱住瞓覺。
今次妹妹出世前，我地已經買定一隻安撫玩具，睇左好多款，最後都係買返安撫海馬，希望同當年哥哥隻海馬一樣幫到手，但原來妹妹比哥哥要求更高。今次參加左Oh！爸媽試用中心活動，收到Fisher-Price 新出嘅安撫睡眠小水瀨，外型非常可愛，同BB一樣有個肚腩仔，尾巴仲有魚仔圖案，而且水瀨嘅毛毛非常柔軟，同海馬一樣可以拆出清洗，唔怕整污糟。
小水瀨比海馬多左新功能，背部可以揀選各種配搭。聲音方面除左有30分鐘音樂外，仲加入左4種聲音，包括有心跳聲、呼吸聲、white noise等等，而小水瀨嘅肚腩仔仲會模擬呼吸起伏，加上呼吸聲同柔和燈光，真係令小朋友覺得好舒服好吸引，連哥哥都想拎走小水瀨去陪自己瞓覺。
不過今次嘅用家都係妹妹，妹妹岩岩滿月就開始試用小水瀨，未收到水瀨前，妹妹大部分時間都要抱住瞓覺，比哥哥BB時更痴身，一放落床就醒，而且會大聲哭鬧，抱住都喊，來來回回幾次先成功入睡，海馬都只係間中有效。
收到小水瀨後立即試用，無諗過小水瀨係咁有效。我地揀左呼吸聲配上燈光同呼吸起伏，妹妹竟然係10分鐘內自行入睡，成功安撫到妹妹情緒，而且令妹妹有安穩睡眠，試用左咁多晚大部份時間小水瀨都成功陪到妹妹入睡，只有幾晚可能因為肚風問題而哭鬧，小水瀨真係個好幫手！！相信對一般BB黎講，安撫海馬已經夠用，但如果遇上好似妹妹咁痴身嘅BB，就要小水瀨出動喇！！