Fisher-Price 感官訓練可愛動物健身器 - Ting Wai Chan

晴晴B約六個月開始接觸Fisher-Price「感官訓練可愛動物健身器」，精明嘅爸爸媽媽拆箱第一時間梗係睇吓啲嘢要點樣洗乾淨先比BB用啦。發覺原來大部份配件都可以直接用洗衣機洗，對於我哋呢啲懶人爸媽絕對係一個好消息。整套架有唔同小玩意刺激BB唔同感官發展。

*視覺系：不同圖案、顏色、條紋、鏡*
無論係墊、架身定配件都有好豐富嘅顏色同圖案；而且有BB好鍾意嘅鏡！媽媽唔明點解好多BB對鏡好有興趣，但塊鏡非常之有用，晴晴B每次見到塊鏡都可以自己玩一陣，媽媽就可以休息一陣喇。

*觸感系：多元布料、材質*
除顏色同圖案豐富外，架身同配件都用左唔同布料同材質，BB對於摸到唔同手感嘅質料都會覺得好得意好新奇。

*聲音系：音樂熊、響紙布畫*
因為BB對聲音好敏感，所以音樂熊同有響紙嘅月份布畫就好容易吸引到佢注意力，可以訓練佢用手仔拎住黎玩。當然必然會做嘅就係，放入口！口欲期嘅BB咩都擺入口，可以同時訓練佢手口協調。音樂熊亦可以訓練bb手仔用力按壓，較適合由爸媽陪住玩。

BB興奮起上嚟會周圍郁，手舞足蹈，健身器質地柔軟，仲有個夠厚實嘅攬枕，可以俾未坐穩嘅BB足夠嘅support, 爸爸媽媽都放心俾bb使用。放喺地下的話，建議另外配合厚地墊使用，爸媽更安心。

晴晴同好多BB一樣，非常有好奇心，但都好痴人。佢玩時可以好專注，隔一陣就會望下周圍有冇人，媽媽喺邊咁，而且未坐得好穩陣，所以其實爸媽唔好期望可以擺低bb自己玩大人可以走開。晴晴媽好多時一個人湊BB，但同時都要home office，冇辦法全天候陪住小寶貝，所以媽媽會坐喺bb附近，可以一邊做野一邊睇住佢玩。有時對住佢笑下，同佢講下野，有時落場同佢一齊玩，BB 都會笑得好開心。BB開心爸媽就會更開心啦！

P.s. 今日啱啱發覺左一個新嘅玩法，其實就咁凌空拎起個健力架，佢會彈下彈下咁，晴晴B見到已經覺得好得意，開心到大笑。