維達 4D Deluxe 立體壓花袋裝面紙 - oriole
屋企的盒裝紙巾一路都用開維達另一隻出品4層棉柔綠色盒那款，講真呢隻都非常唔錯，又夠厚，香味又正，不過就係太厚，有時只係抺個咀就覺好浪費，但流鼻水時，或者要抺得多野時就非常一流。中途其實都有轉番出面的薄D紙巾，但就真係用唔慣，好似一抺就爛，一濕水就溶咁，所以最終又買盒呢隻厚實紙巾。今次試用呢隻新出的「維達4D Deluxe立體壓花袋裝面紙」就有驚喜，佢冇綠盒呢隻咁厚，但係紙質柔韌度適中，就算抺大力D都未至於即爛，抺濕野就仲正，唔會即時散晒。
而家我屋企就會長備兩隻紙巾，按需要時睇下拿邊隻紙巾用，如果食完野抺一抺咀就緊係用新呢隻「維達4D Deluxe立體壓花袋裝面紙」。 雖然同時放兩盒紙巾，但新出的係袋裝，所以唔會阻地方，同埋袋裝價錢又實惠D呢。
我想話我買紙巾都好著重香味，有D牌子出D花味我覺得好怪，新出呢隻有兩個味，分別係綠茶淡香同天然無香，我鐘意隻綠茶隻味，唔會好似花香咁搶，但淡淡咁滲D味出來我覺好得。