隱適美體驗館 互動了解療程 免費體驗 - Wininhk
好開心我同仔仔被邀請到Invisalign隱適美位於銅鑼灣嘅體驗館，體驗館位置方便，裝修簡潔舒適。職員好耐心咁同我哋講解隱適美矯齒療程，透過獨有嘅物料同埋技術，專屬訂製嘅牙箍，可以輕柔咁矯正牙齒，適合換牙階段嘅小童、青少年、成人。
場館內有個展示區，展現左唔同個案嘅箍牙階段及進程。例如較常見嘅反咬合、深咬合、倒及、牙縫過大等情況。
職員仲同小朋友即時做咗個模擬箍牙效果圖，俾我哋了解到箍牙前後嘅對比
原來6至13歲正值係矯正療程嘅黃金時期，亦係第一階段。牙醫可以為恆齒萌出預留位置，亦可以同時矯正一啲早期發現或者會影響恆齒發展嘅問題。原來我一直以為要等所有恆齒完全萌出後，再考慮箍牙呢個想法係錯㗎😅
我哋仲即時約咗牙醫，去做一個更詳細檢查，了解番仔仔現時嘅牙齒生長情況或問題，同模擬箍牙後嘅牙齒模樣。希望可以見完牙醫後再同你地分享吖！