彩豐「暖薑驅風滋養洗髮露」及 「暖薑驅風滋養沐浴露」- Debby

今次好幸運可以成為彩豐「暖薑驅風滋養洗髮露」及「暖薑驅風滋養沐浴露」嘅試用專員，收到通知即刻走去攞番屋企慢慢試。

自己本身面色唔係咁好，會比較蒼白，姐係啲人成日講嘅血氣唔好，加上漸入秋冬，問題會更加嚴重，所以一向都會飲用薑茶或者煲薑水浸腳，但咁樣做太費時，依家直接用「暖薑驅風滋養沐浴露」，沖完涼成身暖暖地，沖個陣又有陣陣薑味，非常好聞，絕對可以令我氣色好啲，夜晚都容易訓啲，再者，因為本身皮膚比較乾，缺少水份，所以皮膚會比較暗啞同無彈性，而呢次試用暖薑驅風滋養沐浴露正正解決此問題，因為可以增加皮膚彈性，用後唔會乾，相反仲滋潤左。