彩豐「暖薑驅風滋養洗髮露」及 「暖薑驅風滋養沐浴露」- Yuyuyu

踏入秋冬季節，天氣開始轉涼，每晚最痛苦的時間就是在享受沐浴、洗淨了一天辛勞後，暖烘烘踏出浴室便墮回冰冷的地獄，好不容易吹乾頭髮，回到床上又蓋上冷冰冰的被子，待被窩被體溫加暖後，才能結束一天好好入眠。
不知是否上天聽到我的哀號，這次有幸可以試用彩豐「暖薑驅風滋養洗髮露」及 「暖薑驅風滋養沐浴露」，兩種產品都標榜可以促進血液循環、改善血氣，而且使用後可以讓皮膚紅潤、有彈性、紓緩乾燥痕癢。不過一年前經歷了坐月要用薑水洗澡的日子，回想起那時洗澡後身體雖然是暖烘烘、很舒適的，不過皮膚都被薑水弄得很乾燥，想到這裡又讓我有點卻步…就在我腦內交戰期間，老公就在浴室走出來，原來他已經率先試用完畢(衰佬！)，向我報告了一個字︰正！
在老公的「正！」驅使下，我也「膽粗粗」去試用一下…終於，佢平實既外表俾到驚喜我。
首先，浴室小小空間不多，佢呢個四四方方muji風既外殼係好吸引到我。

佢既洗頭水顔色偏深，感覺好足料既薑。我之前坐月既時候係有買過坊間既手工薑沐浴露，係一灘灘，好少泡量，洗完之後係冇薑水咁乾，但稱唔上“潤”。我都有少少擔心會唔會好難捽開，但又唔會喎。呢隻洗頭水係幾易捽開，泡量適中。

沖洗完過後，唔會好黏笠。我睇返樽後既標籤，原來係蔗糖，所以洗頭水既質地咁企身，夠潤但又唔會漿住個頭。我又擔心佢會否天然得滯冇乜功效，個吹完頭之後，頭髮係有少少滑同柔軟，仲有淡淡既薑味～

好！試埋沐浴露啦！咦，佢同洗頭水既texture係有唔同架喎，因為有用過其他牌子既洗頭水同沐浴露，通常同一條line既product，texture似到你唔睇佢個tag都唔知用係邊既。佢沐浴露同彩豐既皇牌蔗糖特滋潤沐浴露似，然後多左一份薑既香味。但係咪淨係多左薑味呢？唔係喎，因為佢入面有薑根精油，我搓開佢，手掌係有微微暖既感覺。沖完成身，佢既潤度係令我原本乾同想甩皮既地方回復彈性同滑溜。

沖完涼，坐定左都唔會好似之前咁好快覺得凍，感覺真係有改善血氣。

咁我就好快就推介家人試試佢啦。屋企人平時就用開番梘，因為佢唔鍾意沐浴露沖完用仲會滑潺潺，好似點沖洗都未沖乾淨d泡。佢試完都有好評，佢覺得叼隻暖薑沐浴露既泡好易沖，但沖完都唔會好乾。

所以，我會推薦冬天手腳冰冷既你同坐月既你去試下用呢隻彩豐既「暖薑驅風滋養洗髮露」同「暖薑驅風滋養沐浴露」！