彩豐「寵物地板消毒清潔液」及「寵物趕走跳蝨牛蜱噴霧」 - verywing
啱啱幫狗狗「爆谷」買咗兩支地板清潔液，用咗兩次，「爆谷」一聞到啲味道就走，佢好似覺得好唔舒服咁，我就唔敢再用，簡直浪費金錢！我見到Oh!爸媽難得有寵物用品試用，嗱嗱臨申請！
「爆谷」係我嘅寶貝，同挑選小朋友產品一樣，我都會挑選一啲天然用品俾佢用，盡量唔希望會令到佢皮膚或者氣管受到傷害。但係好多牌子嘅寵物用品唔係咁方便買到，往往貪方便會買一啲新牌子返屋企嘗試，但係寵物未必次次接受得到。我屋企附近已經有彩豐行，之前未有留意到佢有寵物用品，如果今次試用成功，對我來講真係一大方便！
試用完之後，「寵物地板消毒清潔液」氣味清新，「爆谷」完全冇抗拒感，繼續悠然自得喺屋企行來行去。「寵物趕走跳蝨牛蜱噴霧」亦非常方便，出街之前噴一噴，用咗幾次，「爆谷」身上真係未見有跳蝨或牛蜱出現！ 今次產品試用，真係令我方便好多，唔使一段時間就要去好遠嘅地方買之前用開嘅牌子，亦唔需要成日記住佩戴蝨帶，「寵物趕走跳蝨牛蜱噴霧」細細支袋係袋中十分方便！強烈推介比有寵物人士！衷心多謝Oh!爸媽、多謝彩豐行提供今次產品試用！