Tublock 可轉彎積木 – Ching Tam
選購積木時，好多方面嘅因素都會考慮。最重要係品質問題，雖然仔仔都8歲，如果積木有爛，仔仔都識會話我知，亦唔會放入口，但自從妹妹出世後，絕對揀任何玩具，包括積木都好重視品質、易爛程度，好怕仔仔積木砌得高跌落嚟易爛有碎片，會比妹妹放咗入口食。
而且曾經有好多報告話積木玩具顏料有致癌致敏成份，所以我選購時都會特別留意埋積木嘅顏料，簡單做一做research 有冇報告警告使用，而且多會選擇日本製玩具，因為總覺得呢方面人哋QUALITY CHECK 比較嚴謹。
另外，選購積木時會特別留意積木嘅大小、數量，因為好多小配件好怕易傷到小朋友嘅手仔。
今次好開心oh 爸媽 抽中仔仔試玩Tublock 可轉彎、管狀積木，而呢款同其他積木唔同，可以轉彎、有鏤空設計，而且日本製造安全可靠。
仔仔開頭一開盒見只有28件配件都唔相信可以砌到咁多交通工具，仔仔一砌已經愛上，而且剛巧係新年前收到，仔仔新年無得拜年都唔會悶，呢盒嘢已經可以玩好耐，砌完勁有滿足感，又可以創意無限發揮。