3M™安全防撞地墊試用 - Ching Tam
不經不覺囡囡十三個月大啦，開始由爬變成扶住欄杆、椅子企高去學行，但由於剛剛開始去學行，每日都會跌跌撞撞，屋企極需要大量防撞地墊舖滿全屋每一個角落。
之前喺網上買過一些防撞地墊，質量唔係幾好、太薄、而且好容易爛，囡囡跌落地下有防撞墊都會爆喊，而且中間有英文字母同數字會容易比囡囡拆出黎周屋扔，難於清潔。
今次好多謝Oh!爸媽揀中囡囡可以試用3M™ 安全防撞墊，質量真係有好大保證，厚度足足2cm，囡囡唔小心跌親都夠厚墊住，唔會輕易碰撞到堅硬的地板而受傷。而且拆開包裝袋後一啲膠味都無，以前買個啲防撞墊要用水過幾次再放出露台吹幾日啲臭膠味先散得七七八八，3M呢方面真係做得好好。另外，3M有國際級標準 (經第三方安全測試及檢測)，媽媽見到呢個認證，用得安全放心，放心讓小朋友在地墊上玩樂，簡直係媽媽至愛之選。
加上囡囡星期一至五都由婆婆照顧，婆婆照顧起上黎都唔會咁辛苦，唔使每秒都手扶住囡囡以防撞到頭，防撞墊會起到一定作用。另外，呢款3M™安全防撞墊清潔起上黎比傳統英文字數字款色較容易清潔，唔會咁易有細菌積埋，防污及防滑，可以擴大囡囡嘅活動、練習走路嘅空間。
經過是次試用會購買3M安全防撞地墊，因為囡囡呢家學緊行真係好需要大量防撞墊舖滿全屋，而且試用過真係質量好好，大人喺上面行路都覺得舒服、唔太硬唔太軟、又防滑。如果有朋友問我咩牌子防撞墊最好，一定推薦3M™安全防撞地墊叫佢買。