3M™ 安全防撞地墊 - Haileyw

3M™安全防撞地墊係湊B恩物，bb 而家一歲半大，開始成日擒高擒低，行路又唔戴眼，成日踩到啲書同玩具跣到，好容易跌親，成日上演嚇死媽咪系列，媽媽成日好擔心佢個頭撞落地下就大件事。

3M™安全防撞地墊達至國際級標準，品質有信心保證，一收到有驚喜，見到2cm非常厚實，同一般市面買到嘅地墊唔同，吸震防滑效果一流，讚！打開亦都無味無臭，啱晒BB使用。puzzle形式仲可以隨意調較形狀，靈活擺放。有佢隔一隔，就算bb跌親都冇跌得咁應，放左佢喺地下，媽咪行開行埋都安心啲。3M™安全防撞地墊既質量絕對值得推薦。