【殺滅病毒清潔家居】思高™消毒抹布系列試用 - jojo

多謝Oh爸媽同思高揀咗我做試用專員，好開心可以試用呢個系列嘅產品！除塵拖把真係非常好用，平時吹頭成日跌到成地都係頭髮，先用除塵乾紙之後再用埋除塵拖把加埋地板清潔消毒抺布，一拖就清晒地上嘅頭髮同其他塵埃細屑，好方便。有時食飯食到周地都係，用除塵拖把加地板清潔消毒抺布清潔就得，又唔使過水，一次過就乾淨晒。特別係屋企有老有嫩，老人家唔方便成日彎低身清潔，用呢個除塵拖把就方便好多。

另外要讚讚家居潔淨消毒抹布，乜都抹得，仲要抹到好乾淨。有時出街返屋企，一入屋想清潔一下鎖匙門柄咁，一抹就搞掂，放喺大門隔離鞋櫃就最方便。平時執房執櫃，甚至清潔廚房都用得著，佢去油都去得幾勁添，好萬用！