Dyson Lightcycle™枱燈 - 天使媽媽
天使家係Dyson 超級粉C，由吸塵機、風扇、空氣清新機到風筒，全部可以喺屋企揾到。可能有人會話，天使媽媽想要名牌 (￣∇￣)，我承認嘅，係鍾意高質素的家庭電器。試諗下，唔同買衫只著一季，電器起碼用幾年，買好少少有排用，條數都係番到。由其是用喺仔女身上，係要揀d有信心嘅俾佢哋用。。。
話說自從兩兄妹帶眼鏡開始，就特別留意護眼資訊，等佢哋有個更好的做功課、讀書環境。平日佢哋用書枱的時間，留意到有時好快就唔能夠集中、眼攰，一直都搵緊方法想改善呢個情況。最近見到Dyson 出枱燈 *･゜ﾟ･*:.｡..｡.:*･'(*ﾟ▽ﾟ*)’･*:.｡. .｡.:*･゜ﾟ･*外形靚仔又多功能，忍唔住 (>^ω^<) 又想試吓。。。
送俾你哋做功課用嘅 (≧∇≦)。。。攞上手，好重！淨係睇個盒，都感覺到股氣勢，因爲好重 ε-(´∀｀; )，雖然好多配件但裝燈過程好簡單，15分鐘，攪掂。
Dyson 奉行一貫風格，設計時尚，外形硬淨，第一個感覺，比平時的枱燈高好多。 原來可以升高降低，三軸調校燈臂位置，向前向後亦得。
最後係手機安裝埋Dyson Link App，以後就可以隨時隨地，針對唔同任務、場景、日常作息，全天候得到最佳照明效果。如果好似我咁，唔知道咩設定最適合，可以喺Dyson Link App揀不同模式。個人認為，以下兩個模式最合我心：
STUDY 模式 可追蹤當地日光色溫，兩兄妹溫書做功課用 (=´∀｀)人(´∀｀=)
RELAX 模式 提供偏暖色燈光，強度低，但確保有充足亮度，睡前閲讀最適合 (˶‾᷄ ⁻̫ ‾᷅˵)
作為媽媽，最關心當然係小朋友的健康，眼睛的保護，尤其重要。Dyson Lightcycle 提供超過1000lux的強勁照明，同時仲有眩光控制同低頻閃，以提供均勻亮度，香港小朋友普遍多功課，長時間聚精會神，枱燈能夠呵護眼睛，真係好重要！ 普通光管/燈膽/射燈，中間嘅條文就係高頻閃嘅效果
Dyson Lightcycle低頻閃效果，唔會有閃爍或條文
呢盞高智能枱燈，功能多多， 有動作感應器，識自動偵測如果離開盞燈2分鐘後會自行熄機，呢個功能好正，小朋友成日冇手尾，唔用唔記得關燈，有咗呢個功能，環保又慳電費，仲可以慳番啖氣唔使罵人點解唔關燈。親身體驗，專登行著開一陣，燈自動會關；當我行番近，在燈下面有雙手擺動，扮做緊功課或者睇書，就自動開番 （＾∇＾）
Dyson Lightcycle 枱燈，有一個最令我嘆為觀止的功能，就係給合智能追蹤本地日光技術，配合我哋嘅生理時鐘，作出最恰當動態調節。配合你的生理時鐘，即係你身體活動的內在節律性。簡單啲講，有一個日光追蹤模式，會根據當地日光，自動轉變光暗。如果長開，仲會由日出模仿到日落，變相提醒大家，天黑啦！要休息啦！
Dyson Lightcycle 如何做到？原來燈的設計包含咗獨特演算法，會根據時間、日期同GPS位置，持續調節出最合適的燈光色溫同亮度。所以係唔同時間色溫、亮度都會唔同。試後感 令人驚喜的枱燈，體貼細心的設計，高智能的功用，跟據資料仲可以用到60年?! 最重要係對小朋友健康、讀書都有幫助，物有所值，值得投資！