全新升級 AXE Supra 超濃縮洗潔精 - Sonim Lai
對於作為家庭主婦嘅我，一收到支AXE Supra 超濃縮洗潔精後覺得幾有新鮮感，因為係柚子檸檬味，打開聞下真係幾有平時沖柚子蜜嘅味道，好清新。
細細支放响洗碗盆旁邊啱啱好，唔怕會阻地方，而且佢個泵做得幾好，唔會話一下會出好多，貼切返佢超濃縮嘅特徵。一餐一家大細幾個人嘅餐具、加埋煮完飯嘅廚具，真係按一下都已經可以洗到乾乾淨淨，一邊洗一邊聞到個柚子檸檬味，真係洗碗都洗得開心過人。
啱啱今晚炒完餸，油蹟都幾多，基本上我都係按咗一下，就已經可以完全清晒D油膩，同以往用開嘅可能要洗多一兩次先清爽嘅感覺真係開心好多。 呢幾晚用完佢洗碗，手冇平時咁乾燥，而且我見佢成份係可生物降解和無磷配方，對生態環境係有好處，都打算嚟緊會長用佢，為保護地球出一分力。