《旅龜中文冒險》(體驗版) - Sonim Lai
小朋友成日用iPad，大多數都係玩遊戲多過學習，學校雖然有好多網上嘅練習俾佢做，但大多數內容都比較悶，比較單向，小朋友好容易就冇咗學習嘅興趣，最終都係淨係掛住用iPad打機，所以我覺得網上教材嘅設計係好緊要！
作為家長，好多時都想搵一啲生動有趣又互動嘅方式去吸引小朋友學習。今次試玩咗「旅龜中文冒險」除咗有一個app可以令小朋友數碼互動之外，佢本身亦包括嘅一啲實體卡片令小朋友感受到實體嘅觸感，多重感官體驗，令到學習輕鬆有趣。
入邊有唔少嘅場景選擇，增加小朋友嘅投入感，仲有拼字遊戲，令小朋友喺遊戲當中都可以學到唔少生字。 我特別欣賞佢嘅卡片設計非常厚實，無論小朋友點玩都唔會咁易爛。我好推薦「旅龜中文冒險」俾所有嘅朋友，咁大家可以一齊寓學習於遊戲啦！