《旅龜中文冒險》(體驗版) - becky chan
好開心又有新嘢玩！今次係「電子遊戲」，最啱新一代小朋友！一諗到兩個讀小學嘅侄仔都已經因應學校需要而用iPad上堂，就覺得新一代一定要多形式學習、善用高科技產品推動學習能力先至追得上時代！今次試用既玩意係《旅龜中文冒險》(體驗版)。
下載咗佢既應用程式就可以開始玩啦！呢個時候，阿仔已經急不及待咁拎住啲字咭係喥用手指寫字，字咭上面有實體觸感嘅凹凸筆畫，阿仔嘅小手指跟住畫，畫得出奇地投入！完全展現到佢專心嘅一面！希望佢玩完字咭之後，將呢個肌肉訓練既能力應用係做功課寫線條練習中文詞語上面，越寫越有成功感就好啦！每盒字咭有18-20張，仲會根據不同場景，包括公園﹑海灘、旅行、學校、家庭及飲茶去分類。令小朋友可以集中代入每個場景嘅事物，同埋有可能發生既事情，學埋對話、演說故事。
開咗嗰Apps, 開始數碼互動，阿仔一聽見啲背景音樂已經好開心，不停地試㩒每個制，學習就係要建立在自己有興趣嘅事情之上，成功既第一步已經開始咗！
跟每個部首學寫字，仲有得睇繁體字嘅筆順，正確學習中文字既精粹，除此之外，仲有左右對稱，上下空間感等等嘅訓練都可以一次過喺呢個Apps 解決曬！睇嚟佢份功課唔會再出現「啲字跌倒」、「隻字飛咗上天空」或者「一隻字變兩隻字」嘅奇怪嘢啦掛～
寫完字仲可以聽返標準粵語同埋普通話發音，呢嗰《旅龜中文冒險》真係全面地幫到小朋友學習！因為佢包曬觸覺、視覺、聽覺嘅輸入，仲有開心快樂嘅元素，睇嚟改善中文真係要由玩《旅龜中文冒險》開始至得！睇佢玩得咁開心又投入，我決定買埋試用版以外嘅場景字咭，等佢學多啲不同類型嘅嘢，唔駛再跑去言語治療師喥學說話啦！