《旅龜中文冒險》(體驗版) - Gretchen
用左”旅龜中文冒險”對小朋友真係好有幫助！！雖然有三個小朋友，但我同爸爸同埋其他兩位小朋友都係右手，但其中一位小朋友係左手的。所以我地對於筆劃方面，其實成日都有d 困難，因為我對對於左手既寫法完全零概念。。直至知道有”旅龜中文冒險” 呢個apps , 簡直係我既一大喜訊！！
收到"旅龜中文冒險" 體驗版套裝，小朋友急不及待就要馬上拆黎玩，原來本身套裝需要移除保護貼先可以玩到。未能移除保護貼都唔緊要，可以有一個用筆玩既模式，小朋友用小手寫字就可以，如果筆劃錯左，apps 會有提示，教返你正確筆劃，如果個字小朋友唔識寫，仲可以用提示功能，系統會出現好淺灰色既線教你寫，完全唔駛擔心唔識寫。
開頭用唔到"用卡玩"既功能，小朋友有小小失望，但突然小朋友試到ipad 能夠認到，真正解開左用卡玩既功能。小朋友非常開心！！
呢個apps 係用場景形式玩既，所以小朋友好似真係"打機"咁玩，答岩題目，又會有小成就，其實小成就就等於解鎖一d 小禮物，令你係apps 中既主角可以用唔同既配飾，例如小書包，頭飾等等。。。小朋友越玩越開心，好有成功感，仲主動要求要成日玩，同埋希望我買晒全套添。
呢個"旅龜中文冒險" 遊戲，完全值得玩。唔會驚小朋友學壞，反而會越學越好添，真心覺得值得。