FreeMAX - ergobag人體工學書包試用計劃 - LouisWong
依家嘅小朋友細細個已經要領好多書翻學上堂，而長時間咁孭住咁重嘅書包，真係好容易影響小朋友嘅脊骨發展。今次好榮幸可以試用FreeMAX – ergobag人體工學書包，出面買都要成千二蚊一個，我妹黎緊準備升中學，加上佢唔係咁鍾意太花巧嘅顏色，所以簡左深藍色比佢。本身望落去好似好重，但門市職員話書包得1.3kg左右，所以領上手又無想像中咁重。好多書包都講護脊，但好少會話可以護肩，不過FreeMAX – ergobag 的人體工學結構能減少肩膀受力達 35%，所以對學生發育黎講其實真係好重要。除左護肩之外，我自己幾欣賞嘅地方係書包用環保物料去做，所有材料完全沒有有毒增塑劑和PAHs，而且仲可以因應小朋友高度去調節，由140cm-180cm都用得，如果啊妹唔洗追款嘅話，用到佢讀大學都仲得！
因為啊妹去左旅行未反，唯有穩個朋友仔做住Model先，都係果句，書包好正嘅地方係咩高度嘅人都岩用，強韌的支撐肩帶可以將肩膀上的重量分散到成個背部，充分減低成個肩部的負擔！
書包格數實用，底部都夠硬正，放多多書都唔怕爛，哈哈 (當然唔希望啊妹要領咁多書走黎走去)，仲有原來個書包係漆黑嘅環境會睇到好多星星咁，真係好靚！整體黎講，好滿意成個書包嘅設計，更加期待啊妹可以領住依個書包輕輕鬆鬆咁翻學放學，寒背問題通通byebye！