Speedway Diner 親子玩樂體驗套餐 - Wong Yen

今次參加 Speedway Diner 親子玩樂體驗套餐，當中有開心，亦有不開心的體驗。開心的是可以帶仔仔來到一個室內賽車場。室外賽車就試得多，室內賽車就第一次試，感覺環境舒服，唔駛玩到流晒汗，食物質素方面亦比預期好，唯獨賽車體驗，卻令到我們一家人感到好唔開心。首先是車輛方面，試玩期間已遇到有兩架車不能開動，不知是沒有電或壞車。第二是安排出車時間頗混亂，已經預約好的時間，亦因為前幾段的參與人數少，結果推前我們出車的時間，弄到我們有點不知所措，已經除下了的頭盔、護手、護膝蓋，又匆匆忙忙地戴回上去。最後，亦都令到我們一家人很不開心的是，其中一場試玩，我們的仔仔很興奮地好早排隊，結果他排到第一名出車，但是他卻不小心地踏了腳踏一下，結果車子推前了一步，當時其中一位職員非常不滿及不友善，將我仔仔的車子大力拖埋一邊，撞向圍欄，不讓他開動，然後示意其他小朋友的車子開出，儘管我仔仔嘗試左右擰軑盤，都是走唔到，因為那位職員再次緊握著我仔仔車子的軑盤，結果等到所有車子開出後，他先肯讓我仔仔開車。試問一個四歲小朋友，會唔會特登偷步，點解要用咁既手法去懲罰小朋友。我仔仔好唔開心，問我和爸爸點解哥哥咁做，點解自己唔小心都會俾人罰，本來排第一，點解會包尾，作為父母，聽到自己小朋友咁樣問自己，感覺好難受，唔知點答。希望所有開辦親子活動的團體，都抱著一顆善良既愛心，去對待每一位光臨的小朋友。老實說，父母願意花費參與這些親子活動，原因只有一個，就是讓自己仔女快樂。今次是本人第一次參與試用活動，亦都是我們參與咁多次親子活動最失望的一次，冀望下次試用，會有開心的體驗啦～