紙飛機親子空間 Origami Kids Cafe 試玩體驗 - Jackiki
帶著兩個小朋友去試玩紙飛機親子餐廳 Origami Kids Cafe ，因為餐廳在暑假有特別活動，所以預約了平日的中午時段試玩。因為遲咗出門口我們一行四人搭的士去到郵輪碼頭B區，找到部升降機去到R層，一出升降機向前行到尾就見到餐廳了。走的時候，餐廳職員很有耐性地教我們如何搭巴士離去，在巴士兩個盡興而歸的小朋友都放哂電訓著覺了！
去到時，一入門口就要除鞋同埋用消毒酒精搓手，職員就帶我地去我地張枱。未埋到枱，大女已經被最近大門口嘅煮飯仔玩具吸走左...我想因為是平日的關係及餐廳遠離了市區一點，現場人數不是太多。
細女都找到啱佢玩嘅玩具！
餐廳食物以中式為主，價錢我覺得比我以前去的親子餐廳便宜一點。最後我選擇了雞翼及宮保雞丁，份量適中，仲好啱呀女口味！
雞翼大大隻，我地嘅雞翼大王食左半碟！
今日餐廳特備節目：整雪糕🍦
有女仔扮靚corner, 仲有公主衫著！佢哋都有啱男仔着嘅衫㗎！
我兩個女最鐘意在照顧BB corner，玩左好耐！
這個玩小木粒的角落雖然不是很大，但小朋友留在裡面‘不下不下’，用佢地的創意，都可以有很多不同玩法，睇住佢地專注地玩，大人心情都放鬆一下。
媽媽我最喜歡這個睇書填顏色嘅空間，有幾級樓梯俾小朋友坐住睇書，又有大大隻嘅公仔可以攬下，如果唔係時間有限，在這個角落真的可以花上好一段時間！
開頭覺得這個餐廳的位置比較不方便，但是當你有充足的時間，去完親子餐廳後，室外的環境讓孩子跑跑跳跳也很不錯啊。