紙飛機親子空間 Origami Kids Cafe 試玩體驗 - Tata

好開心能夠到紙飛機親子餐廳 Origami Kids Cafe 試玩！我對親子餐廳嘅要求係（1)新奇好玩 – 坊間好多親子餐廳，要有吸引力會可以一去再去；（2) 整潔乾淨 – 這是基本的，因為試過去某間非常出名的親子餐廳後我跟bb 便病了；（3) 地方大有空間感 – 當然要有足夠地方比小朋友跑跑跳跳；（4) 食物質素 – 玩到肚餓最好能夠食到有益有營養的食物，（5) 員工服務 – 員工態度及協助能力絕對會影響到訪經驗 及（6)安全 – 這個都是基本要求，小朋友玩樂嘅地方一定要安全。

好啦，講完要求就直接評分啦（5星為滿分）：
(1) 新奇好玩 ⭐️⭐️⭐️⭐️⭐️ – 5星！紙飛機有木製沙池，對我同小朋友都好新奇好玩！而且除了木製沙沙池外，佢地仲有廚房區，閱讀區，公主王子英雄各色扮演區，車仔區，BB公仔 區，小型滑梯，小屋仔等等。雖然各區範圍都不大，但對於小朋友要係兩小時內玩哂都好忙👍🏻
(2) 整潔乾淨 ⭐️⭐️⭐️⭐️ – 5星！我哋玩緊嘅途中，不斷有清潔嬸嬸收拾玩具同清理地方；而餐具及玩具都乾淨，不會有粒次次的感覺。另外洗手間環境都不錯，整潔光猛，有親子洗手間，有給小朋友換片片的空間，亦有給媽媽餵奶的房，十分貼心！👍🏻
(3) 地方大有空間感 ⭐️⭐️⭐️ – 3星！紙飛機地方不算大，大部份餐枱放置在餐廳的中央，遊玩區則設在外圍，所以當小朋友玩一個玩樂區走到另一個的時候，有機會穿梭於餐桌區域，而走廊通道不算闊落，這是美中不足的地方。
(4) 食物質素 ⭐️⭐️⭐️⭐️ – 4星！食物種類多，有小童餐提供，價錢不算貴，味道都可以。
(5) 員工服務 ⭐️⭐️⭐️⭐️⭐️ – 5星！這裏值得一讚的是員工的服務態度。由打電話預約開始，已經感受到員工嘅親切友好態度。員工亦很友善，會主動協助客人， 十分讚！店員亦主動邀請我們參加手工workshop, 一齊整手工制雪糕，女女都玩得好開心👍🏻👍🏻
(6) 安全 ⭐️⭐️⭐️⭐️ – 4星！大部份設施都要有用上軟膠包邊，減少令小朋友受傷的機會。

紙飛機很適合2-5歲的小朋友，因為地方不太大，亦沒有大型設施，所以如果小朋友需要刺激的遊戲，這裏便不太合適。反而這裏適合給年幼的小朋友慢慢細心發掘不同的遊玩設施，而且店員態度親切，所以我們都渡過了一個愉快的中午。