Speedway Diner 親子玩樂體驗套餐 - Esther

昨晚(星期四)帶小朋友去到Speedway Diner. 整個試驗體驗的感覺, 都是非常正面的.

因為昨晚是平日的晚上，所以人流較少 。一入到去, 職員非常親切地招呼， 把整個試驗套餐和流程，都解釋得很詳細 。而囝囝一入到去，已經被五顏六色的佈置和車車，完全吸引, 跑來跑去, 非常興奮.

食物質素方面非常唔錯。 沙律新鮮，薄皮pizza 好味道， 意粉亦都好足料！本人最欣賞的就是那個漢堡包，牛肉夠大塊， 肉質鮮美。 老闆亦都好細心，見我們和囝囝玩緊車車 ，就先用蓋覆蓋食物， 既衛生又保暖， 真是很窩心喎！

雖然環境唔算好大，但亦算寬敞。 除咗車車跑道之外 ，亦有夾公仔機 ， air hockey, 和遊戲機。 囝囝玩到唔肯食，唔肯走！

當囝囝單獨在跑道上揸車時, 不僅有監控攝像頭可以注視他. 全程也有工作人員跟在他的後面, 很安全的感覺哦! 這使我們可以安心地享用晚餐, 非常放心!

但以每節只得六分鐘時間為限， 以收費為$69一節，本人就覺得稍為略短和昂貴。 因為囝囝只得三歲，而因安全理由，只可以揸慢速的車. 在短短的六分鐘裡，只能兜三四個圈！ 但主管好好人 ，因為昨晚人流較少，所以他亦不介意，讓囝囝玩多圈。

Speedway Diner是一個很好玩的地方。 最開心嘅，就係大小朋友，都可以一齊揸車，在跑道上一齊玩 。雖然我覺得價錢略貴, 性價比值唔算非常高, 但都值得一試. 不錯!