Speedway Diner 親子玩樂體驗套餐 - Holly wan
有幸抽中Ohpama試玩Speedway Diner 親子玩樂體驗套餐, 本人還是第一次接觸小型賽車場。我們一到埗就先吃東西，費事小朋友掛住玩唔食野，哈哈。套餐包括了焗肉醬意粉，Pizza及漢堡包及餐飲，食品出乎意料之外的好吃！漢堡包中的牛肉夠厚有肉汁，其他材料亦新鮮。Pizza 薄脆，仲有好多菠蘿粒係面。意粉好夠味，而且不是罐頭的肉醬，非常好吃。
到玩樂時間，按身高分了三種類：迷你車，小型車及成人車。只要三歲以上，任何年齡都玩得！小女剛三歲，玩了迷你車，就是平時見到的電動私家車，一踩油門還有音樂！每場次可玩6分鐘，一場的時間對年紀少的都足夠！
而無論任何車型，都是用同一個場地的，所以會按場次安排。職員會給予排隊用的籌，只要到登記處便可進行排位，夠鐘玩時就會叫咪提醒準備。
而小型車雖然我們沒有玩到，但都見到好多小朋友玩，而且值得一讚的是保護措施很充足！除左頭盔，護膝及小腿，手肘及前臂，還有的是護頸套！小朋友頸部脆弱，用左護頸圈就可以安心衝刺啦！
之後就輪到家長們去玩大人車了！哈哈！帶上頭盔就可以去衝啦，睇落車型雖然不大，但速度非常之快！還有飄移杆，可升起車身進行飄移。但大人們還是第一次玩這個，未能掌握好飄移技巧，有待改進，哈！
還有另外的好處就是會帶頭盔前要先帶上即棄頭套，咁就更衛生啦！Speedway diner 的確係一個大人小朋友都岩玩的地方！大家玩得不亦樂乎！