紙飛機親子空間 Origami Kids Cafe 試玩體驗 - ohpama_yee
今日趁星期五就預約左去紙飛機餐廳 Origami Kids Cafe 同小朋友迎接愉快既周末~紙飛機餐廳位於啟德郵輪碼頭，喺九龍灣或者牛頭角都可以轉車去，都算方便，兩小時遊戲加用餐時間尚算足夠，職員態度友善，今次體驗感覺不錯。
去到晚餐時間，職員已經幫我地安排好座位，餐牌特別呼應origami主題，好精美
大家都肚餓了，點了幾款菜色同飲品，味道非常好味
呢個蜜椒雞翼甜甜地好香蜜椒味，真係必試!
飲品叫波羅的海，酸酸地，顏色都好靚。
小朋友一見到用餐區附近既小廚房，已經衝左去玩，玩到唔停手，有各式各樣既廚房同食物玩具，大人都想玩埋一份。
場內遊戲區適合不同年紀小朋友，1歲以下嚟玩都冇問題!
我小朋友最喜歡呢個小木粒池，比起傳統波波池更特別。
有木製滑梯，留意到餐廳好貼心，喺滑梯旁邊打左防撞棉
呢度係閱讀區，食完野可以同小朋友坐喺度睇下書，環境都好舒服
場內仲有好多小童特色主題衫俾小朋友著住嚟玩，有恐龍，公主等等......