數碼港艾美酒店 – 週日海鮮自助早午餐 - Fanny Tsang
今個星期日，我地一家四口去左數碼港艾美酒店嘅週日海鮮自助早午餐,交通尚算方便，因為港島東直接有綠Van去數碼港巴士總站，出左巴士站轉右就即刻有長扶手電梯上去，上到頂就會見到餐廳門口。
我地被安排住到窗邊，窗外亦有坐位，但今天下雨，我們坐了室內。另一邊就是取食物，非常方便。
首先推介的是冷盤：生蠔、龍蝦、長腳蟹、蝦、青口、龍蝦仔。我們比較喜歡生蠔和龍蝦，小朋友喜歡蝦，生蠔不是即開，但都幾大隻，就算得返幾隻都好快有人補返，所以唔使擔心要排隊。
接著就是沙律吧，大概8樣沙律菜，沙律醬都有5-6款
沙律旁是刺身同壽司
主食肉類：有牛、羊，我試了牛，無什麼特別，老公試羊，應該是羊肩，薄薄一片，喜歡吃的要走多兩轉了
熱盤有點心、西蘭花、豬肋條、飯、意粉，豬肋條非常入味，比牛煮得更出色👍🏻👍🏻
湯有兩款，中湯、西湯是忌廉湯
甜品款式很多，款過10款蛋糕、焦糖燉蛋、朱古力噴泉、棉花糖話糖果
另外還有生果吧，5-6款選擇，餐飲是自助的。可能因為是星期日，一點正有魔術表演同送氣球環節，小朋友都非常開心🥳