BubbleBebe Spa嬰兒按摩游泳體驗 - NancySo

好特別的一次經驗！BB去游水啊！當天預約了後，去到Bubble Bebe Spa時，就可以即刻入去了。工作人員叫我地先幫BB除曬所有既衫先換上游水片，然後，再用毛巾包住BB。因為我地無帶游水片，所以唯有係果度買，需要$20一塊，所以最好都係自己帶去！不過預約時職員都有提醒你需要自己帶定游水片去的。當我地換完游水片後，職員就會幫BB量高磅重（而重量和高度會記錄在送給你的全家福背後的，都幾有紀念價值），然後就會帶圍頸水泡啦！帶水泡時，職員都算溫柔，帶完後還為BB調節好，不用擔心會箍住條頸！帶完水泡就落水啦，其實落水之前，我地係睇住佢放水的，確保啲水係乾淨的！由於係BB第一次落水，所以當佢游緊既時候，佢有啲驚啊😅我地見佢沖涼成日好鍾意玩水，諗住佢應該好享受游水，點知佢竟然有啲驚，所以原本係游半個鐘左右的，我地游左20分鐘左右就要起身啦，不過職員話第一次游都算叻咖啦😂！準備起身之前，職員亦有用沖涼液🧴幫佢沖洗下成個身。起身後，又有姨姨幫佢按摩下，真識享受🤤🤤職員係果過程中都幾溫柔下，因為BB係按摩時開始扭計，但係職員都好溫柔咁去用玩具去哄佢👍🏻👍🏻值得再去啊！