BABE HERO 寶貝童盟 - 親子試玩體驗 - Ting1109
今次有幸抽中可以去Babe Hero試玩，真係開心又興奮!由知道有Babe Hero開始已經好想帶囡囡去，因為囡囡係屋企都好鍾意角色扮演，我相信佢一定會鍾意Babe Hero。去到簡單登記，職員派左本passport就可以進場，passport用黎儲印仔，可以換代幣夾公仔。一入場已經見到好多玩具，大部份都係木制既，質素唔錯。
進場囡囡第一時間就去玩市場，平時囡囡都好鍾意去超市，呢度既超市做得好認真，d食物好多種類又好逼真，連海鮮肉類都有，囡囡不停揀食物放入車，玩得好開心呀!旁邊有個細細既波波池，不過想對就吸引力不大。
之後玩左醫生、貨倉職員、工程人員、消防員、畫家同侍應，對小朋友同大人黎講都幾有趣，因為平時好少機會可以親身體驗不同工作，囡囡都樂在其中。
總結黎講，Babe Hero以職業扮演為主題，比起其他playroom更特別，唔止放電咁簡單，而且主張大人陪小朋友一齊玩，更加可以促進親子感情，值得一去!