BubbleBebe Spa嬰兒按摩游泳體驗 - Imgoosie
近年都好流行baby spa，好多身邊嘅朋都有帶小朋友去游下水,我見信信bb平時喺屋企沖涼都好enjoy好鍾意玩水，所以帶佢去體驗下。呢間bubble Bebe spa 位於荃灣愉景新城，交通尚算方便，我有巴士直達。間舖喺二樓麥當勞對面，地方唔算好大，都有五個獨立游泳池。
我地按預約時間到達，職員知道我地係第一次帶bb黎游水，都好詳細同我地講解個流程，佢地亦都好細心咁叫我試下水溫，然後幫信信bb著防水片，跟住就落水啦。
其實信信bb唔怕水，喺屋企沖涼都好鍾意玩水，所以滿左3個月，條頸有啲力就帶佢嚟放下電。點知一落水佢就爆喊，可能同平時沖涼喊同啦，隻腳又掂唔到地，所以佢好驚，但職員就教我地先安撫左bb，捉實對手使到佢地有安全感，果然由爆喊變到慢慢玩，慢慢探索。
過左一陣，信信bb就游到好開心，玩到唔捨得走。而我地當然就係不斷影相同拍片啦😂個度嘅職好好，都會主動幫我地影相，留住值得紀念的一刻。
二十分鐘左右，由陪月姨姨幫忙沖涼，然後就上水啦。以為咁就完成啦？未完嘅，因為仲有bb按摩。bb按摩其實可以幫bb放鬆肌肉，有舒緩作用，估唔到信信bb 好Enjoy
按摩師幫信信豬從腳部開始按摩，腰部，背部，肚仔，最後會按下塊面做個facial，信信豬真係好鍾意。按摩師仲教左我少少按摩手法叫我返屋企同仔仔有啲親子互動添。
總結：bubble Bebe spa雖然地方唔算好大，但都好乾淨，每一次會換水；每個缸都有職員留意住，都好細心，又會氹bb玩，走時亦冇hard sell，對我同bb都係個好好嘅體驗。最開心緊係信信玩完就大覺瞓，而我就多左啲時間休息～ 哈哈哈！