BABE HERO 寶貝童盟 - 親子試玩體驗 - ching lam
芯B 3歲啦， 一直都想去試玩角色扮演，今次終於有機會啦，等芯B放學就帶佢嚟位於觀塘既Babe Hero， 一嚟到第一眼感覺就係好乾淨舒服同埋d媽媽最緊張既就係冷氣🤣正常溫度唔凍，玩得好放心， 有張大枱全部都係女孩子最鍾意嘅玩意，有好多蛋糕食物，又可以嘆茶or咖啡，芯媽都心心眼，之後負責嘅姐姐就帶我哋行咗一個圈先介紹6間主題房。
之後第一站就開始去做考古學家尋找恐龍蛋啦， 有芯爸嘅幫手輕而易舉就堀到三隻恐龍蛋啦， 有張枱畀小朋友自己用鎚仔扑開隻恐龍蛋， 入面嘅恐龍仲可以帶返屋企添。
跟住梗係扮佢屋企最拿手嘅扮醫生啦， 有三張病床再加三隻受左傷嘅熊啤啤，有排佢醫啦今次🤣🤣
用品真係應有盡有呀，紗布，x光片，打針，藥膏，藥丸， 聽診器……
到扮演消防員啦，救受傷嘅小啤啤， 啲衫全部都係好新淨同埋仲冇臭味添㗎
呢個超市都好多品種， 連平時好少見嘅蝦，蟹，龍蝦呢個全部都有呀啲貴價嘢🤣
睇下啲豆嘅像真到幾高。 淨係呢幾個地方都已經足夠留好耐