BABE HERO 寶貝童盟 - 親子試玩體驗 - shirleyhsu
今天帶囡囡去了 Babe Hero 玩，一入去呀囡已經俾七彩繽紛既超市吸引住，推住手推車好開心咁行黎行去😂 呀媽當然唔放過機會，乘機教佢各種水果，蔬菜名稱🤭，果然係玩樂中學習係最有效👍。另外，要讚一讚既係水果道具大部分都軟绵綿，小朋友玩既時候就唔會整親啦！ 超市入面重有個凍肉櫃，有魚，蟹，蝦，肉，咩都有👍
之後走左去玩廚房，有咖啡機啦，tea set, 蛋糕，pizza, 雪糕，好多嘢玩！
呀囡係部夾公仔機面前玩左好耐，果然大小朋友都係咁鐘意夾公仔既😂
扮搬運工人😂😂 入面重有架車黎波波，重可以扮考古學家掘恐龍化石。
去到醫生房啦！呀女見到咁大隻熊仔居然唔驚，重幫佢坐好，探熱，聽診，食藥，打針，呢位小醫生好忙碌呢！🤭
入到另一間房，有唒筆同顏料俾呀囡自由發揮創意👍
另一間房，就係扮侍應啦！呀囡拎起夾夾自己夾食物，玩夾夾可以訓練小朋友既小肌肉發展架😊 不過睇黎呀囡鐘意做客人多過侍應🤭🤭
真係好多嘢玩🤭 重可以砌玩具
波波池一定唔少得啦，呀囡係波波池度扮游水🤭
入面有好多唔同種類既車玩，有得推車，又有得坐車。
欣賞Babe hero 可以有角色扮演，又有唔同種類既玩具，開心今日帶左呀囡黎玩，佢全場走黎走去，最鐘意就係玩超市同車車啦！😂👍