Techbob「STEAM 遊學中心」- 親子全日任玩通行證 + 機械人工作坊 - magc
有幸可以到Techbob STEAM遊學中心試玩。嗰度地方唔大，以為好快玩曬，估唔到都玩了半天。嗰度有唔同嘅STEAM玩具試玩，工作人員會教你點玩，仔仔最喜歡玩搖控車對戰。另外有個機械人workshop，上完workshop之後工作人員會有簡單評語俾返家長。之後同另一個又係嚟試玩的女仔一齊玩，就更好玩，玩到人哋收舖先走。
呢個搖控車有battle模式，兩仔爺玩得好開心。
機械人workshop, 整電動陀螺，幾有趣。
有啲STEAM玩具試玩，喺入面玩得嘅多數都有得買。當然價錢唔平（不過我冇比較過出面價錢）。
仲有好多lego可以砌，不過仔仔冇時間靜靜地喺度砌。
媽咪自己最鍾意玩就係砌屋。