Techbob「STEAM 遊學中心」- 親子全日任玩通行證 + 機械人工作坊 - fantasytong

今次我地去左位於荃灣 The Mills 南豐紗廠 既 Techbob「STEAM 遊學中心」+ 機械人工作坊
試玩一小時機械人工作坊同埋試玩場內設施。

場內工作坊係俾3-18歲玩，樂樂都係岩岩先夠3歲，但培樂媽都抱住試無妨既心態帶佢去玩，唔知大家對STEAM教育有幾認識，簡單來說就是結合科學、技術、工程、藝術同數學既跨學科教育方法。如果了解多啲就知培樂媽帶樂樂去玩對佢黎講係幾大挑戰，要面對多次trial and error，要面對繁複既拼砌挑戰，最後陪伴同協助下都可以成功，我都真係覺得原來小朋友既潛能真係無限。

參加一小時陀螺工作坊
老師一開始就解釋左會按學生年齡提供課程，所以樂樂今次係砌陀螺。本來培樂媽以為要陪住佢上堂，但原來老師話過程希望佢可以安靜思考，所以都請我離開上課位置。（當然我求之不得啦！😆哈哈）

其實我擔心既係樂樂點樣從每次錯誤中反思同改正，始終對佢黎講，1-10既數與量、由平面既圖轉化為立體既積木再憑佢現有既空間感同邏輯思維去砌陀螺真係一啲都唔容易。

過程中，樂樂要用電腦、滑鼠去睇圖再砌，大約有二十零個步驟，每幅圖片會有圖指示所需既lego，之後要係工具盤內搵所需再砌好。
其實過程都算順利，當然需要老師在旁引導啦！砌到17-18steps個陣佢無啦啦喊要我坐係旁邊陪住，不過樂樂真係用一個鐘係協助下達到目的，砌到陀螺。So pound of u!😭👏🏻👏🏻

今次真係好多個第一次，第一次用電腦同滑鼠、第一次玩咁細舊既lego、第一次學點樣可以係一堆lego度專心搵正確一塊，仲有好多好多，的確係一次好好既體驗！

場內試玩
砌完一個鐘，我就同樂樂係場內簡玩其他既設施，已經砌左一個鐘，所以我都由得佢揀自己想玩既，無諗到一小時既trial and error都無令佢意志消沈😂😅，所以我都陪佢砌左個大lego路軌玩下玩具車啦。有個ipad控制機械人踢波，佢都好鐘意玩，無諗到我咁跟唔上潮流既媽，可以有個咁跟得上潮流既女呀！