Techbob「STEAM 遊學中心」- 親子全日任玩通行證 + 機械人工作坊 - zizimeow
蕎頭同弟B又黎啦，今次e兩位專員要去Techbob「STEAM 遊學中心」- 親子全日任玩通行證 + 機械人工作坊。去到門口佢地已經好興奮，因為好多大大小小嘅lego, 路軌可以砌，又有唔同機械人嘅操作配合遊戲可以玩。 不過，咪住～要學習吓自己砌個機械人先可以玩架，即刻去睇佢地點學玩啦！
弟B 3歲，本來以為佢坐唔定會冇心機砌，但又唔係wor 。弟B好心機砌，導師哥哥又好有耐性呀，好用心教弟B。弟B連電腦都未用過架，導師哥哥慢慢引導下，弟B砌完機械人仲學識係電腦㩒on / off , show 到比媽媽睇佢點令個機械人郁呀。叻仔！
蕎頭呢，就大D，可以加深難度。好多位，導師哥哥點一點佢就明，而且導師哥哥會教深D，教蕎頭set 時間，點樣令機械人轉快轉慢，set 幾多秒停。蕎頭都好用心學同完成佢個機械人，讚讚。
睇下導師哥哥幾用心教小朋友。^^
場內仲有其他LEGO , 路軌...盡情砌
弟B最愛嘅車車，都要砌架。可以好好比小朋友動動腦筋。
小朋友可以沉醉係Lego世界，盡情砌，空間大。四邊都有底版可以砌架。
仲有大大個screen有遊戲玩！
至於入場費，大家可以睇番e個表，如果想約時間學砌機械人都可以，真係男仔女仔都岩。因為蕎頭同弟B砌完都好有成功感，連媽媽都覺得佢地好比心機砌呀！又可以動動腦筋，自己解決每一part困難。加上TECHBOB 有一套砌機械人嘅program, 小朋友要上手學唔難，都係由lego砌起，適合唔同年齡嘅小朋友(o^^o)！
門口已經感受到好科技嘅野啦。哈哈。大家快啲黎玩啦。