Avado Organics 有機嬰幼兒補濕套裝 - Crystalpigggmama

最近天氣乾燥，Caspar嘅大脾內側又紅又乾，每次換片時都見佢係咁用手去搲，出動埋平時搽開嘅滋潤lotion都無乜好轉，搞到我好擔心。

咁啱有幸試用Avado Organics有機嬰幼兒補濕套裝，佢地嘅有機甘菊嬰幼兒爽膚補濕液成份天然，可以鎖住肌膚水份，令皮膚更添水潤同彈性；主要成份包括有機金盞花，金盞花出名有天然消炎抗敏作用，可以紓緩濕疹和敏感皮膚；加上佢地嘅配方無酒精成份，特別適合BB敏感細嫩嘅肌膚。加分位係單手可噴灑嘅設計，換片時左手捉住Caspar隻手仔，右手可以輕易噴係大脾內側，輕輕抹開就吸收晒，方便又衛生！而且氣味天然好聞，完全沒有刺激性。

之後再揉埋有機牛油果油嬰兒補濕乳，牛油果油本身有效減少皮膚紅腫同痕癢，可以為BB嘅皮膚提供天然嘅滋養。依支補濕乳性質特別溫和、滲透力強，皮膚可以快速吸收水份，一年365日都適用。質地好容易推開，而且非常清爽，搽完唔會黐笠笠。搽咗幾日，Caspar大脾內側都稍為消紅，換片時都見佢無再搲，我可以放心繼續使用。

今次被oh!爸媽同Maman & Bébé選中參加Avado Organics有機嬰幼兒補濕套裝既試用體驗簡直係收到一份合時嘅聖誕禮物，亦令我對Avado依個牌子有更深的認識，多謝！