曼秀雷敦強效驅蚊噴霧-kycheng
我地平時一有時間就會帶阿囡去戶外放電, 吸下新鮮空氣, 但最弊佢好惹蚊, 最慘係咬完之後好耐D爛都唔退, RR下仲會損埋, 攪到隻腳花哂. 平時比佢用防蚊貼好似無咩效, 蚊怕水佢又話臭唔肯用 ><“。今次試用咗曼秀雷敦強效驅蚊噴霧, 估唔到會收到大支家庭裝, 好有驚喜^0^。試過之後我覺得效果好好, 就算無DEET成份, 噴一次真係就無蚊埋身, 係戶外玩成日, 流哂汗, 唔洗再補噴都無事。
呢隻驅蚊噴霧陣味仲好天然, 阿囡一啲都唔抗拒。濆少少係手, 再搽埋塊面就夠哂protection, 無DEET同樟腦, 真係會用得安心啲。