當將軍仲喺我個肚入面嗰時，老公就已經好期待要教佢踢波，話踢唔到港隊都要踢校隊喎……而家將軍兩歲，老公嘅足球訓練計劃正式進行！但由於而家受疫情影響，將軍每星期只可以有一兩個鐘落一落樓下公園放電，放心呀，個公園真係好靜好靜……每次落去都完。全。無。人，受感染的機會較低。不過！！！近日天氣好潮濕，去公園會畀蚊、蠓叮，唔驚肺炎都驚傳播其他病菌，所以驅蚊措施真係非常重要！！！

我一直都係用防蚊貼，因為貪方便，但久而久之覺得呢類產品有不足嘅地方，就係防得唔夠全面，貼喺背脊，就隻手畀蚊咬；貼喺褲腳，就背脊畀蚊咬……貼到全身都係？奇怪之餘仲成本高添，唔通出一次街貼十幾張貼咩，計落條數唔抵呀！所以我就開始搵下有無平靚正又有效嘅驅蚊產品喇。 好開心今次可以試下曼秀雷敦強效驅蚊噴霧，產品不含DEET及樟腦 、15% Picaridin，可以有效驅走蚊蠓蚤蟎！出街之前幫將軍噴晒喺手、腳、頸，拎埋落公園，想隨時補噴都可以，真係好方便！重點係，我坐埋一邊睇住佢兩父子踢波，惹到好多蚊叮我呀，有咗呢枝曼秀雷敦強效驅蚊噴霧，我噴埋自己，就唔使再一邊陪玩一邊餵蚊啦！